ஆன்மீக செம்மல் ஞான சற்குரு சிவ செல்வராஜ் அய்யா அவர்கள், திரு அருட்பிரகாச வள்ளலாரின் அருளைப் பெற்று, திருவடிகளின் ரகசியங்களை மனித குலத்திற்கு வெளிப்படையாகப் போதித்தார்.

அய்யா அவர்கள் தமிழில் 35 ஞான நூல்களை எழுதியுள்ளார். இறைவன் திருவடியை ரகசியத்தை பரசியமாக்கிய முதல் நூல் கண்மணி மாலை. ஒரு சாதாரண மனிதனால் எளிதில் புரிந்துகொள்ளும் அளவுக்கு எளிமையான நடையில் உள்ள இந்த நூல் ஒரு ஆன்மீக புரட்சி . திருவருட்பா, திருமந்திரம், திருவாசகம் மற்றும் 4000 திவ்ய பிரபந்தம் ஆகியவற்றுக்கு அய்யா உரை எழுதியுள்ளார். சில புத்தகங்கள் அவரது சீடர்களால் ஆங்கிலத்தில் மொழிபெயர்க்கப்பட்டுள்ளன. அய்யா தனது மனைவி தங்கம் அம்மா மற்றும் மகன் சுயம் ஜோதியுடன் மிகவும் எளிமையான வாழ்க்கையை வாழ்ந்தார். அய்யா திருவடி ஞானத்தை வெளிப்படுத்த தன் முழு வாழ்வை அர்ப்பணித்தார் . அய்யா அவர்கள் 3000க்கும் மேற்பட்ட அன்பர்களுக்கு திருவடி தீட்சை அருளினார். ஞானம் பெற்ற அனைத்து சித்தர்கள் மற்றும் திரு அருட்பிரகாச வள்ளலார் அய்யா அவர்களின் அருளால், மகா சமாதி அடையும் முன் தனது ஒன்பது சீடர்களை குரு பீடத்தில் அமர்த்தினார். வள்ளலார் மற்றும் அய்யாவின் அருளால் ஒன்பது குருமார்கள் மூலம் திருவடி தீட்சை வழங்கப்படுகிறது. அய்யா அவர்கள் ஞானத்தை தேடி இறை அடியார்களை சென்று அடைய ஞானதானத்தின் முக்கியத்துவத்தை தனது சீடர்களுக்கு உணர்த்தினார். அவர் சீடர்கள் ஜீவசமாதி குருபூஜை நடக்கும் இடங்களில் சென்று ஞான தானம் செய்து வருகின்றனர். ஒழுக்கம் ஆன்மீக பாதையின் அடித்தளம். மாயையை காமத்தை வெல்ல அனைத்து பெண்களையும் வாலைத் தாயாக கருத வேண்டும், சைவ உணவுகளை மட்டுமே உண்ண வேண்டும். புகை பிடிக்கக் கூடாது, மது அருந்தக் கூடாது. ஆன்மீக சேவைக்கு நாகர்கோவில் தமிழ் பேரவையில் அய்யாவுக்கு ஆன்மீக செம்மல் விருது வழங்கப்பட்டது. அய்யா தனது நூல்களை இலவசமாக தமிழகத்தில் உள்ள அனைத்து நூலகங்களில் ஞான தானம் செய்து உள்ளார்கள்.